支持支持,五區總辭

五區總辭漫畫 我油畫呀sir 羅sie的精心傑作,請多多支持,仲有當然要支持五區總辭,變相公投,取消功能組別

點鮮要返高鐵,睇片就清楚晒

高鐵為何在西九

高鐵為何在西九 皆因政府似隻狗
地產富豪好起樓 層數跳到九十九
同胞買多幾層樓 呎價去到九萬九
貪官方便帶錢走 武廣去到佢門口
幾個小時快到嘔 安全唔駛四圍走

高鐵做價六六九 世界最高貴到嘔
汝樺做So四圍走 同胞拖實佢隻手
回港即打九九九 Call晒政府班走狗
功能組別幫晒手 個個都替佢出頭
仲有一班五十後 登報紙幫佢出口
官商勾結手拖手 回佣貪污一起走
退休之後抖一抖 富商即向佢招手
一起搵銀唔駛愁 幫佢起多幾層樓

高鐵必定在西九 隧道穿過幾座樓
在你樓下走一走 如果有事你維修
維修費用唔會走 不過幾年後先有
唔理死人定冧樓 不是我家不用愁
菜園村民必需走 一個都不可以留
村民傷心眼淚流 心愛家園都沒有
回憶只在心裡留 試問如何能接受

高鐵不能在西九 還有希望趕佢走
希望大家幫幫手 星期五立會門口
帶埋幾個好朋友 同埋一班八十後
圍住立會手牽手 趕走高鐵出西九