很久很久沒有更新個BLOG了,因為因為因為----懶90%,和10%同個女玩。
不經不覺女兒已經3歲大了~前幾天一看,已經不是BB,而是一個小童了,很快上車要入錢,飲茶要計茶位,食自助餐計小童。
我現在的主張是假日有時間就多陪孩子,可以的話,多出外走走,去戶外多一點活動,不強迫參加興趣班,食多一點,跑多一點,多接觸大自然遊山玩水,開心就好,這就是童年。
這三年不是白過的,為了女兒,搬了二次屋,租了樓,買了樓,大裝修,做過包租公收租,之後賣了樓,處理過的問題不少,還好我是個不太怕麻煩的人,很多處理時是很麻煩,但過後一看,只要一家人開開心心,就已經足夠。
這段日子女兒大了,照顧的壓力減了不少,可以回顧一下她的成長點滴,做為一個記錄。
2010年一月中 的中午,天氣十分晴朗
過期居留第7天,生到亞媽發曬顛,
千呼萬喚始出來,小豆丁沛晴來了!
我進了產房陪在文文姐身邊生產,那段時間是男人最無助的時間,因為你搞大左佢個肚,但生既時候最辛苦唔係你,你只可以係佢身邊任佢10級痛苦,媽媽真係偉大。
男性朋友們,如果你真係選擇入產房,你最好計畫下你半個小時內可以講什麼鼓勵說話,你最好有奧巴馬總統就職演講詞或者幾個笑話係手,要慢慢講,如果你只可以講[加油!!加油!!我愛你!!],你會發現你幾分鐘之後冇野好講,你老婆又唔想聽,而D姑娘又不停叫你講野鼓勵下你老婆,而你老婆因為你只係不停講[加油!!]太煩而叫你收聲,到你唔出聲時,馬上D姑娘又不停叫你講野鼓勵下你老婆,你個時真係好無助。(真人真事)
在廣華醫院住了兩天,第三天要回家了~~
未收水
敬禮!!
誰在我背後 ?
