長野滑雪之旅~~第一天 (上)

(出發了)
出發一星期前每晚都同文文姐準備少少,所以出發前一晚已經完全準備好了,可以放鬆心情睡覺。
到了機場,好似過年咁,國泰登機位地區勁多人,蘇生蘇太已經早成半小時到達排住隊,等了又半小時左右,其間團友sugar&豐都到了,登記好了到未去過Terminal TWO食早餐(比較多選擇),樓下亦有離境登機X光檢查(等候既人少好多)好快手就過關。
去到候機室已經可以上機,真係未試過唔駛等,飛機準時出發&到日本,之前聽聞打手指模要呆等一小時多,去到雖然人多,但等半小時左右已經完成登記,效率幾好。
上機好快又食飛機餐~~~


出了機場立即搵人問換JR4日Pass的地方,原來在火車站的入口處,之前沒有留意,
去到立即將東瀛游的文件交給女服務員,搞好Pass的時候亦替我們出了機場到東京Narita Express (機場快線)-->東京到輕井澤的新幹線,兩張車票。(好服務,亦好方便)


到了東京車站,正值五點幾放工時間,好似去左旺角,又大又多人,問了人兩次才找到到輕井澤的新幹線月台,都真係幾遠,幾個人好似大鄉里出城。