長野滑雪之旅~~第四天 (上)

今日分兩個部份，[早上]去滑雪，[晚上]去野沢一年一度既火祭。(每年1月15號)
昨晚女將已經幫我地準備好滑雪場2日Day Pass(8000yen)

早上7:00左右起身，沖個涼之後食早餐。又係好多野食好豐富。

十道小菜

食飽出發去滑雪場了~~~野沢滑雪場係其中一個最近民宿既滑雪場，由民宿行上去大約15分鐘左右，真係好方便。

睇睇片先，欣賞下附近環境


要先坐電梯先可以到雪埸

文文姐慢慢上雪山，心情興奮

超長既電梯


到門口了~~~先影張大合照先~~~~

我地到滑雪場後去租滑雪裝備，民宿女將就介紹我地去滑雪場一間出租店租，我地全部人都係玩滑雪板。
(因為民宿女將就介紹有得平，兩日租滑雪用具7800yen)


租滑雪用具地方工作人員幾親切，不過地方唔係好大，又有好多客人，搞下搞下都用左個幾鐘。
出左滑雪場，真係好大好大，感覺大過輕井沢好多，又唔多人，好正。
請慢慢欣賞下


我地再坐登山纜車上山


風景非常靚，有請呀豐介紹~~


上到山中間了~~~已經準備好要開始

文文姐亦都READY好

只會係名信片見到既風景

去到一個超闊2000米長初級雪道，我地再坐15分鐘高原纜車到雪起點，係我地呢兩日主要滑雪道。

文文姐加油站呀~~~


LEO哥亦都開始了~~~


中午再返落裝備店食飯，食飽再返上山。

呢度就係裝備店同飯店

超大滑雪場

3:30高原纜車停駛，4:00登山纜車停駛，不辛故事就開始發生。
3:30高原纜車停駛後，LEO哥覺得未玩夠，係山上見到好多人都係唔坐登山纜車，直接滑落山腳，於是佢膽粗粗同So先生兩個新牌仔一齊開始轆落山。

起初30~20米大闊路兩位人士都可以好型咁滑，但只不過一小段路之後變得2~3米闊左右，一失手就會跌落山，為安全起見。兩人就開始半滑半轆慢慢落山了，過左一半路之後已經冇晒體力，雙腳已經開始企唔到，最後一段路係超斜路，LEO哥同So先生用新招式 [四支滑雪] 完成，兩人經歷左一次死亡之旅，呢次~~~直係滑夠晒。
(全程已經用左個半小時，其他團友差不多打算CALL山難救護隊搵我地)

返到民宿大家即刻去沖涼食飯，今晚因為火祭，連我地既晚餐都加足料，比昨晚更加豐富。

文文姐手上係名貴既馬肉刺身

平時要加錢先可以食，但今日係免費

晚餐介紹


食飽後，我地就會去今次旅行既重要節目~~~~火祭!!!

長野滑雪之旅~~第三天 (下)

由輕井澤到野澤溫泉，要坐JR新幹線到長野站，再要坐長野[飯山線]去到[戸狩野沢温泉]，今次又要出動我地既4日day pass

[飯山線]列車係一列得兩卡既小型電車，類似香港既輕鐵，大約一小時至兩小時一班，我地既車係4:20左右開出，我地4:00到月台車已經可以上車。

由長野到戸狩野沢温泉要經過12個站，一個小時車程左右。

車一路行一路慢慢天黑，亦開始落雪，係呢次旅程第一場雪，大家都好開心。
我地個個人著到成隻糉咁，但當地人出出入入都係著兩件線衫~~~利害!!

車內環境


到 [戸狩野沢温泉]站(大約下午5:30)，可以坐接駁巴士去民宿，不過我地人新路不熟，天又黑晒又落緊雪。所以6個人分開左坐兩部的士去民宿，原來都幾遠路下，要3300yen(hk$250)。
的士順利到達民宿門口，外表同網上見到既一樣咁靚咁有和風，女將已經係門口度迎接我地(日本民宿或者旅館既女將即係女主人，主要係佢接待客人)，到達左民宿呢度，我已經鬆左一口氣，因為全個行程最難搵既地方都已經搵到。

到達時差不多6:00，同網上訂房時間一樣，民宿已經係呢個時候要開飯了。
睇下團友d房先，雖然唔似酒店，不過可以更加體驗到當地既氣氛，好正!!!


放低行李，視察左陣環境就去飯堂開餐。

放係我地面前有成十樣菜，仲有白飯任食。

開飯啦~~~~~~~(個個人都好肚餓)

到野沢必食既野沢泡菜，餐餐都見到，食左好開胃。

開飯情況


個個都食得好飽，好在食完唔駛洗碗(-_-:)

飯後我地休閒左一陣，跟住就出左去浸溫泉，野沢温泉區內有十三個免費溫泉任浸，每個都有唔同既成份，每間温泉小屋前都分了男/女湯,一入去有少少地方放衣物，之後各自脫光就落水浸, d水通常好熱，要慢慢適應。


浸溫泉暖粒粒既我地行左一陣商店行就打道回府休息，準備連續兩日既滑雪之旅。


日本先有既芝士味合味道，食飽大家都去訓，準備明天既滑雪之旅。

係日本入民宿同去人屋企一樣，一定要除鞋，我成日都唔記得左(T_T)
第三日~~~~~完

長野滑雪之旅~~第三天 (上)

第三日決定下午先起程去野澤溫泉，上午先到輕井澤出名既 [舊輕銀座]，除outlet外，舊輕銀座亦係輕井澤地標之一，從車站行前行約15分鐘路程。

九點左右出發


到處也是西式矮屋

決定邊行邊搵地方食早餐，行到一間小型西餐廳被門外精美早餐相片吸引，決定係度開餐。


餐廳內環境清新舒服，有得上網，仲有得msn，有團友立即同香港朋友問好(用英文)，亦有人上網睇股票，先知道香港股市大跌，文文姐幾隻細價股睇怕要搵華天龍打救。

其間發現餐廳老闆都係影相發燒友，亦係canon一族，而掛係門外早餐相片亦係佢精心拍攝既，leo哥不停欣賞佢幾百張輕井澤風景相。

他鄉遇故知，兩人在門前合照

惡夢黎啦，話說leo哥他鄉遇故知十分開心，到開餐時仍然得忘型既佢，冇發現原來單鏡機放係櫈上，一拉張櫈，相機即時跌左落地仲玻璃四散，心諗呢次個鏡頭都應該跌到爛晒，點知攞番上手發現原來跌爛晒只係filter，鏡頭冇事，都算不辛之中既萬辛。


香港如果單靠圖片點菜,最終往往會覺得貨不對版;但這裡,食物水準比圖片更捧!

留意左面個亞伯, 尾聲時突然出現,更帶來了好多佢既作品比我地欣賞,又熱情送我地相片

呢間輕井澤小店,因我地而變得熱鬧起來;而我地亦因佢既熱情而感動起來!

舊輕銀座主要係一條購物街同教堂，亦係依家香港人幾鍾意去既影結婚相地方，因為呢度有幾個靚教堂可以影。


文文姐身後係購物街

一試難忘既野澤菜包

回程到車站前一間食堂午飯，文文姐點了豬扒飯，leo哥點了最貴橋麥麵套餐，點知兩樣都唔好食 T_T



飯後返酒店取回行李步向火車站，離開輕井澤，出發到野澤溫泉。

長野滑雪之旅~~第二天 (下)

離開滑雪場後，去了文文姐朋友極力推介的西洋亭，這裡有傳說中日本第六好食的炸豬扒飯!!~~~都幾好味，不過都幾貴。(輕井澤食野一般都比東京貴好多)

店內環境


叫左最貴既豬扒飯套餐~~1300yen

食飽之後開始到Outlet行街，Outlet分兩個大部份，一邊係大牌子，另一邊係細店舖，兩邊都超大。
係輕井澤行街其實都幾辛苦，因為商店外面大風大雪，而商店裡面又熱又焗，時時一冷一熱，行得耐都可以坐，不過都係室外，食風都食到頭痛。

經過漫長3小時多SHOPPING，之後決定同SO生SO太一齊去浸溫泉，其餘兩位團友去打保齡球。(好大的保齡球場)

早上經酒店推介，決定晚上到中輕井澤 [星野溫泉]，在車站走上的士，本來以為好近，點知原來都幾遠下，其實係LEO哥睇錯地圖以為過幾條街就係，原來係過成一個火車站，搭左2千幾yen先到達星野溫泉，日本的士好貴!!! (文文姐在[星野溫泉]門口留影)

每人再用1500YEN入場，到除晒衫時先知冇提供毛巾，之後LEO哥又死死地氣著番衫出去，到收費處用300YEN租兩條細毛巾同SO生一齊用。(天寒地凍走來走去)
浸完溫泉暖粒粒就一齊去搵野食，意外找到了名叫Cowboy的西餐廳，環境幾好，都好多人黎食野，等了十五分鐘先有位座，我地每人都點了牛扒食。

開飯啦~~~


總括來講不論食物環境及招呼都很好，老闆懂英文也很健談,他說jacky chan也來過呢!!我地都懷著滿足心情，再坐老闆幫我地CALL既的士回酒店。

第二天~~~~~完