攝影恐懼症

舊文 寫於2007/04/20

做每一樣事,當過左本身能夠接受既極限,就會換來反效果
就好以每次食完自助餐食到好飽,之後幾日想食d清淡野
好似上次去日本渡蜜月,食左一隻成千蚊既大蟹之後,成個月都唔想再食蟹
而我近來極之唔想接觸既就係攝影,當一個月內接觸成萬張相片之後
得出既結果係唔太想影相,有時手痕最多都會影幾張,
但係真係唔想執相
朋友,結婚前後,渡蜜月,當處理晒所有相片(其中尾段有一部份已經唔係我處理)
結果係遇到有時有party,自己已經帶晒相機
但遲遲都唔想影相,直到最後一張相都冇影過。
原因係好怕執相,所以一路都好少影相,更加唔想執一餐
而我得到呢個症狀之後,反而有一個幾好既影響
就係影響左文文姐,搞到佢自己去執相同放相上網,
因為佢真係忍唔到我遲遲都唔搞掂d結婚相,最後有一部份佢自己執左
依家反而佢成日自己影相,仲執好埋自己放上網。好野!!